4月加拿大失業率再升0.2個百分點，去到6.9%。
StatCan指就業人數今個月止跌，微升7000個。但勞動人口同時上升46.7萬。喺呢個勞動人口增速高於就業增速下，失業率就因而上升。
職位流失最多嘅係製造業及批發零售業。其中，汽車製造業較多嘅安省（Ontario）就見到3.3萬個製造業職位流失，仲多過全國嘅製造業就業萎縮嘅程度（3.1萬）。
而就業增長最多嘅係政府相關職位（Public Administration），錄得就業增長3.7萬，不過StatCan都講明呢個主要受惠於國會大選期間增聘嘅臨時工為主。另一個就業增長來源為金融保險地產業﹐按月增2.4萬個職位。
加國就業數據
StatCan（加拿大統計局）每月嘅首個或第二個星期五都會公佈 Labour Force Survey（勞動力統計報告），當中會包括失業率、就業率及薪酬增長等數據。數據亦可細分各個行業、各個省份及按年齡性別種族等嘅分類。
本網內容全數由Patreon嘅讀者贊助
如果你都鐘意我地嘅文章，可以考慮成為我地最新嘅Sponsor !
想睇到我地最新嘅文章，可以去Telegram follow 我地 詳見《Econ記者使用說明》
