星期三，就業顧問公司Challenger, Gray & Christmas嘅每月美國裁員人數報告指，三月全國一共數到有超過27.5萬個職位被裁減，當中21.6萬多個黎自美國聯邦政府，亦即係DOGE嘅效應。
星期五，美國勞工統計局（BLS）三月嘅就業報告入面顯示，月內嘅聯邦政府職位減少左只係4000個。
點解差咁遠？
其實就業報告都好直接咁解釋左
Employees on paid leave or receiving ongoing severance pay are counted as employed in the establishment survey
即係如果嗰個人，就算係收到信知道自己已經被裁走左，但如果仲收緊離職補償都仲係當係收僱嘅；同時，放緊有薪假嘅員工亦都仲係計受僱嘅。
特別提到呢兩個情況，就因為好多DOGE裁嘅人都咁。例如之前DOGE提出嘅Fork in the road自 願離職計劃，有大約7.5萬個員工接受左，但佢地都係出糧直至九月底，所以佢地就仲計喺就業報告數字之內，仍然喺聯邦政府員工。亦有好多人收到電郵話佢地份工無左，但佢地告政府之後裁員決定暫時on hold嗰啲，都未反映喺BLS嘅數字入面。
因此，想喺官方數字見到DOGE嘅效應，仲需要一啲時間。
