PCE通脹率喺10月回升至2.3%，基本上都係同市場預期一致。2.3%睇落唔係太差，只係高過2%目標多少少，但要留意核心通脹率（即扣除食品及能源價格）都升左超過0.1個百分點去到2.8%。
如果我地又用之前將通脹率分成五細項嘅方法睇，整體PCE通脹嘅按月0.24%升幅，其實全數黎自住屋價格及核心服務業（即扣除能源及住屋）；佢地仲抵銷左能源價格嘅「貢獻」— 0.01個百分點嘅拖累。
呢幅入面個紫藍色係核心服務業按月通脹率，可以見到過去一年佢都係推高通脹
率嘅動力來源。而個問題就係，近幾個月呢個紫藍色部分愈黎愈高。
換另一張睇，核心服務業嘅按年增幅喺7月份「見底」，當時嘅升幅為3.23%，依家回升至3.52%。佢嘅升幅抵銷左住屋通脹緩緩回落帶黎嘅去通脹效應，令整體通脹變得有啲頑固，係值得憂慮嘅地方。
