英國最新嘅CPI通脹數字為按年增長2%，而核心CPI則為3.5%，兩者都同之前一個月嘅數字維持不變。
- 市場預期整體通脹可以回落至1.9%，所以數字係高於預期
- 不過，英倫銀行之前喺貨幣政策報告嘅預測，都係6月整體通脹為2%，所以問題又唔係好大。
有評論半開玩笑咁講，6月因為Taylor Swift先後喺愛丁堡、利物浦同倫敦開演唱會，所以推高左服務業通脹少少，令整體通脹無法降至市場預期。例如，英國酒店價格按月升幅由5月嘅2.39%升至6月嘅3.78%。演唱會、歌劇及戲院價格呢個分類，亦都按月升幅由5月嘅1.49%加速至2.28%。關唔關Taylor Swift事？ 我真係唔知啦。
不過，如果講減息與否，服務業價格真係一個好大嘅問題。我地睇下呢個圖：
英倫銀行預計嘅係服務價格按年升幅會係6月降至5.1%，但現實係數字仍高達5.7%。
– 亦都可以見到，喺呢一輪嘅預測，係完全無中過嘅。而服務業價格喺英倫銀行對通脹頑固性嘅睇分析中重要嘅一環。一日未見到明確嘅下降趨勢，央行都可能要再三思減息呢個決定。
不過，我仍然都覺得如果無大選，英國一早會係上個月減左息，所以英倫銀行應該會傾向會係下一次會議減息。
