加拿大通脹反彈？ 都係央行預計之內!

之前講加拿大5月通脹反彈至2.9%嗰篇文，我寫到個物價反彈好值得擔心咁。的確，我寫嗰一刻覺得個數據同4月嘅反差太大，亦都同之前嘅通脹減速走勢唔太一樣。

不過，呢個睇法完全忽視左一個好重要嘅因素，就係同加拿大央行嘅預期有幾大差距？

首先，如果我地睇返4月嘅貨幣政策報告，央行係預期第二季尾（即係6月）嘅CPI按年升幅仲係2.9%。

報告入面都有一個圖講佢嘅短期通脹預測：

圖中最尾嗰條棒就係6月，亦即係2.9%。而可以見到，其實加央行預期嘅5月通脹都係大約2.9%，所以目前嘅走勢唔係同央行預期差太遠。

如果用一個差唔多嘅CPI按年增長圖做對比（因為我揾唔到央行呢個圖嘅實際數字，只可以用圖做個視覺比較……），央行都係估左4月CPI個升幅會低少少，5月就會隨服務價格增長而反彈，6月就會維持喺差唔多嘅水平。