核心CPI通漲率： 按年升 3.42% (4月: 3.61%) ； 按月升 0.16% (4月:0.29%)
CPI通漲： 按年升 3.27% (4月: 3.36%)；按月升 0.01% (4月:0.31%)
5月嘅CPI數字毫無疑問係非常好嘅，而今次係嘅重點喺按月增長率。
- 整體CPI嘅按月增長係0%，你就算打開四個小數點個數字都係靚嘅 （係0.0057%）。而呢個亦係呢個數字自2022年7月以黎，首次見零或者負。
- 而核心CPI嘅按月升幅係0.16%（或者0.1631），係2021年8月以黎第一次低過0.165% — 即係如果通脹要按年升2%嘅話所需要嘅平均按月升幅。
當個按月數字「達標」，你就一定會見到經年化嘅三個月升幅回落
- 係5月個數字回落至3.3%，去年10月以黎嘅低位。
咁呢個通脹放緩係源自邊度呢？ 首先唔係黎自住屋開支:
- 住屋CPI嘅按月升幅其實由4月嘅0.378%升0.402%
- 其中，租金CPI 由0.352%微微加速至0.391%
- 而自住等值租嘅月升幅亦由0.422%加左少少至0.433%
咁咩細項有跌呢，其實都唔少
- 首先係能源，3月同4月都係按月升1.1%，5月就跌2%
- 而係核心CPI之內，轉向比較明顯嘅就係交通服務，錄得0.5%嘅按月跌幅。上一次交通服務按月變幅見負已經係2021年9月。
- 交通服務入面，近期最受關注嘅係汽車保險，而佢嘅按月升幅喺3月同4月為2.6%及1.8%，5月變成-0.1%。呢個情況似係早前分折指，只要過左年初加價嘅周期就會見到明顯嘅按月放緩。
總結:
呢份CPI報告最好嘅地方，係證明左就算住屋成本嘅升幅持續頑固，美國通脹率仍然可以降至「達標」水平。
咁會唔會影響同日嘅議息結果？咁就一定唔會啦。但我都好想知Powell 主席係會拎住呢份報告講「都話左通脹放緩緊架啦!」定係仲會講「一個半個數據唔係太可靠，要再睇睇」。
