美國4月非農職位升17.5萬，較3月嘅31.5萬大幅回落
- 一方面﹐呢個數字顯著低過市場預期嘅24.3萬；
- 而呢個增長水平亦係上年10月以黎最低。
- 同時，2月嘅非農增長調低左3.4萬至23.6萬，而3月就上調1.2萬至31.5萬；所以兩個月夾埋係上調左2.2萬。
睇返下圖黃綫係2010年代嘅非農平均增長（18萬左右），所以今個月嘅水平又唔算話係太差嘅其實。而三個月平均（紅綫）亦都仲係24萬以上。
失業率為3.9%較2月嘅3.8%升左0.1個百分點，亦都係高過預期。
勞動參與率方面，最新數字為62.7%，同2月一樣； 如果只計壯年人口（即25至54歳）參與率則回升至83.5%。
平均時薪按年增長率進一步回落至3.92%；
- 呢個增速係2021年5月以黎最低。
- 按月增幅亦由0.35%回軟至0.2%；
- 睇返經年化嘅三個月平均增長率亦由4.02%降至2.81%。
