英國CPI通脹率喺4月降至2.3%（按年）
- 核心通脹都跌至3.9%，係2021年8月以黎最低。
非常之好嘅消息，你睇下首相Sunak 幾咁開心去宣傳呢個數據~
但係…… 如果我地將個目光放落服務業CPI度……
- 睇服務業係因為英倫銀行覺得佢比較可以反映到本土消費同勞動成本之間嘅循環
- 服務業CPI 4月錄得按年5.9%嘅升幅，係延續緊今年以黎嘅跌勢
- 不過，英倫銀行五月份貨幣政策報告入面嘅預測，係4月服務業通脹率可以跌至5.5%。
兩者嘅差距頗大，特別4月係一個咁近期嘅估算，個情況唔似太樂觀，亦相信會影響到6月英國央行減息嘅決定。
其中一個值得討論嘅情況，係4月嘅租金升幅
- 按年雖然回落至6.9%，但按月係大幅抽升至1.2%
- 點解按月數字咁高，按年都跌？ 咁就係因為上年4月個升幅仲高，高達1.4%
- 其實係下圖都會見到，租金升幅係4月（同埋7月）通常都係特別高嘅，問題係1.2%呢個幅度同之前幾年比較都係特別高
- 所以就算今年呢兩個月嘅升幅低過上年，令按年升幅可以持續回落，今年整體嘅月度升季都唔係特別低，幾個月之後就應該會見到個按年數字跌幅放緩。
