聯儲局議息結果
- 利率當然係如預期不變
-
不過聲明加左一句
In recent months, there has been a lack of further progress toward the Committee’s 2 percent inflation objective
- 明確表示近月通漲回落嘅速度未如理想。
-
另外，該局會係6月開始減慢QT嘅速度，每月只會最多贖回250億美元嘅美國國債，大幅低過現時每月600億美元嘅額度。
-
按揭抵押債券（MBS）嘅贖回額度不變，繼續係350億美元一個月；但若果MBS到期額高過贖回額度，多出黎嘅資金會用黎購入美國國債。
記者會主要內容 – 下一步唔係加息
喺議息後記者會，一個最受到注目嘅重點就係主席Jay Powell 明言佢唔覺得下一次改變利率嗰時會係「加息」
- 咁即係佢都仲係以減息為基準，呢個諗法已經令市場好開心。
- Powell喺記者會多次強調，現時嘅利率係「restrictive」（具緊縮性）嘅，而第一季通漲嘅走勢只係令佢覺得「需要更多時間先有足夠嘅信心去減息」
- 佢好刻意咁避開講「佢對於減息嘅信心減低左」，答親都係話聯儲局只係「需要更多時間」，都係一啲避免市場覺得減息機會下降或加息可能性提高嘅講法，重點仍然係「higher for a bit longer」
其他值得留意嘅言論
Powell 好多個答案都係「based of my personal forecast/expectations」，唔知係咪因為聯儲局官員嘅諗法仍然有頗大差異，所以佢今次要多啲提醒公眾其他官員嘅睇法可能有差異。
- 要記得12月Powell喺記者會話「官員開始討論減息」之後，好幾個官員之後出黎講「未覺得可以減息」。Powell 今次可能係預告相似嘅情況？ 因為之前都有幾位官員提過「加息」嘅可能性。
另外，上星期GDP報告出籠後市場上出現左Stagflation嘅講法
- Powell斷言:
I don’t see the stag or the flation
- 佢話自己經歷過70年代嘅大滯漲，當時係講緊雙位數失業率加上高個位數漲率；現時嘅經濟係建健康增長而通漲只係3%左右，佢當然亦話有信心通漲會返到2%嘅目標水平。
講到點解佢覺得通漲可以返到2%
- 佢提左兩次佢相信住屋成本會持續下降，特別係市場租金已經返到較低水平，只係一直未能反映喺量度到嘅通漲數字之內
- 佢覺得只要等多少少時間就會繼續反映到喺通漲數據入面。
值得留意係，佢亦有為12月提減息嘅行動作辯護
- 佢話唔覺得係因為減息預期同隨之而來嘅金融市場上漲令通漲喺第一季回升
- 因為呢個講法同時需要見到實體經濟加速；但第一季經濟雖然強韌，但未見有進一步加速。
