美國3月嘅零售數字又係非常強勁。
- 當個預期係0.3%嘅按月升幅，實際嘅數據就係升0.7%
- 而扣除汽車相關銷售數字嘅核心數字升幅更高，達1.1%
- 2月嘅整體零售數據亦由0.6%上調至0.9%
睇返細項，帶動增長最主要嘅係就係所謂嘅Nonstore retail，當中絕大部份就係網上零售，按月增長高達2.7%。
- 呢個係Nonstore 自2022年1月以黎最高嘅大嘅升幅。
- 同一時間，一般商鋪（General merchandise stores）嘅銷售都有1.1%嘅按月增長
- 但係一般商鋪之下嘅百貨公司（Department stores）反而錄得1.1%嘅銷售跌幅，呢個係一個幾有趣但唔太意外嘅發展走向。
要留意，衣物、汽車、電子產品及體育等消遣品嘅數字都係錄得頗顯著嘅跌幅。
總結:
美國嘅零售經濟真係非常熾熱，所以聯儲局仲有無可能減息啊之類，blah blah blah。
美國經濟係咪真係仍然咁強勁，我其實真係仍然有少少保留嘅。但當官方數據亮麗到咁樣，完全未見到轉差嘅走勢，聯儲局點可以好有信心同決心咁講話自己要減息呢？
