美國嘅Job openings and Labor Turnover （JOTL）報告大概已經變成最悶經濟數據之一。
- 早兩個月係FB都講過，我依家打開佢份報告首先會做嘅都係數下入邊「little」呢個字出現左幾多次，因為基本上每個月所有數字唔係「little changed」就係「changed little」
始終，自從加息嘅影響力滲透美國勞動市場，打工仔無咁積極轉工
- Quit rate （辭職人數除總就業人數） 過去一年由2.6%慢慢回落至2.2%，並且連續四個月停左係2.2%。
- Hire rate （聘任人數除總就業人數）故事都係差唔多，比率近六個月都大約係3.5% – 3.7%嘅水平上上落落。
就業空缺本來已經算係比較有趣嘅數字，不過呢幾個月都步入穩定期:
- 2月嘅空缺量係875.6萬，同1月嘅874.8萬比較都係無大變化。
- Job opening rate（職位空缺 / 總就業人數加職位空缺）亦係連續第三個月留左喺5.3%呢個水平。
總結就係，美國勞動市場就算仍然強韌，但JOLT主要反映嘅出出入入嘅勞動力流轉都已經唔會再有疫後反彈個種強勢。直至經濟真係轉壞之前，相信呢份報告都只會係充滿「little」同「changed」。
