加拿大CPI數據有一個值得留意嘅地方,就係計算住居成本嘅時,加國統計局(Stats Can)無採用到Owners’ Equivalent Rent(OER 或自住等值租金)嘅方法。

  • Stats Can選擇(主要)用消費者住係自置物業時,直接需要支付嘅一啲開支黎量度,例如物業稅、按揭利息、樓宇及按揭保險、裝修維護樓宇開支;
  • 唯一唔「實在」嘅就係樓宇拆舊(Depreciation)

自住等值租金嘅概念,係將自住業主嘅住屋成本,問業主「如果呢個單位係租嘅話,你會俾幾錢租金」,再用個答案黎量度業主嘅居住成本。

  • 用呢個方法嘅統計局會指出,房屋係一種(Capital Goods)資本物品 — 用黎賺買或者維修資本物品嘅開支,理論上較接受投資行為;
  • CPI 嘅固名思義係「消費者」物價指數,投資嘅洗費唔算係「消費行為」,所有一個派別應為呢類資本投資唔應該納入CPI計算之中。
  • 要計,就計使用呢個資本物品嘅「機會成本」。係房屋就係「等值租金」。

美國就係不論CPI及PCE都係採用自住等值租金呢個概念黎計算自住成本。


我地可以再相比一下美加CPI 統計入面Shelter呢個分項

美國會將shelter再細分成四類:

  • 自住等值租金
  • 租金
  • 離家住宿(Lodging away from home)
  • 租客及家居保險

相比之下,加拿大CPI嘅Shelter就分成三項:

  • 租住房屋
  • 自住房屋 (呢項之下,就包括上述嘅物業及按揭利息呢幾項。)
  • 水電媒

呢到可以見另一個美加Shelter 嘅分野,就係水電媒係加拿大係當作住屋成本一部份計,但係美國嘅CPI 就將水費放係服務之下(或者係Service less energy services),電費同燃料費用就放係能源呢個項目入面。

  • 如果直接將美加嘅Shelter CPI直接比接,除左租金同埋家居同租客保險之外,兩者嘅內容差異甚大,絕對係蘋果同橙嘅比較。

要記住,Shelter 係加拿大同美國兩地都係CPI指數入面最大嘅分項

加拿大Shelter CPI 分類權重
  • 係加拿大個權重係28.34%
  • 係美國則佔35.17%

亦因此住屋成本同貨幣政策之間嘅關係,會有唔同嘅考量。

例如係一月嘅加拿大議息會後記者會就有人問行長Tiff Macklem:其實唔少人面對嘅生活成本問題就係源於按息上升所致,而按息係直接受央行嘅利率影響,「點解央行唔快啲減息,咁按息咪會跟下降囉?」

  • 係央行官僚角度睇呢條問題當然唔難答,正如當時行長Macklem就答:加國央行唔係只以住屋成本為目標,而係要控制整體通漲,而食品通漲仍然未回落云云。

但的確,由於CPI直接受按息嘅升跌影響(權重約為3.8%),按息係高通漲下成為左加國嘅一個通漲論題及貨幣政策討論嘅一個重點。央行利率同按息之間嘅關係,例如有幾多按揭係浮息,每年有幾多要renew之類,成為直接影響央行政策同社會討論嘅課題。

  • 相對而言,美國嘅住屋成本討論過去兩年都主要集中係租金嘅走勢:新約租金升定跌同埋佢地幾時會納入整體嘅租金指數之類。
  • 按息同樓價嘅互動,雖然都明顯同貨幣政策有關,但就一般歸類為利率政策對經濟增長、商業投資方向有幾大影響力嘅討論。(當然,美國嘅按揭唔需要五年Renew一次,亦令央行利率同按息開支之間嘅關係更低。)
訂閱本網嘅Substack Newsletter,就可以不定期收到經濟學術及經濟時事討論文章。
SOURCEStatistics Canada
Previous articleMedian CPI 同 Median PCE 嘅計法
Next article英國嘅「勞動參與率」
Econ記者網站新聞團隊(絕大部份時間其實得一個人主理)

留言區

This site uses Akismet to reduce spam. Learn how your comment data is processed.