美國三月份嘅CPI通漲率為5%(或者更準確俾係4.99%),同之前一個月比6% (或者5.99% )比較,回落幅度高達1個百份點。

而你可以由下圖睇到,呢個係2021年初以黎首次整體通漲率係低過核心通漲嘅(三月核心通漲率為5.6%)。

不過呢個正正係問題,反映嘅就係整體嘅回落,主要係由能源價格帶動,其他價格仍然見到上升壓力。例如睇下呢個指數三大分類嘅圖:

能源價格按年嘅跌幅高達6.38%,呢個係樂觀嘅情況,但亦係一早預計左嘅。但食品價格(唔會計入核心嘅)年增長仍然高達8.49%,就算走勢趨降但仍處高水位。

服務價格(除能源服務)亦係無太大嘅回落,年增長仍然高達7.12%,亦見到通漲壓力仍然唔細嘅。

用按月睇,就會見到服務價格仍然係通漲壓力嘅來源,食品價格就趨向穩定。

不過!!! 服務價格增長一個重要原因係住居價格年增長仍然高達8.18%!但好多評論都指出(例如本網之友曾國平係上年九月就指講過),住屋價格係明顯將會繼續下跌,因為CPI之類嘅價格指數係會量度平均嘅租金及樓價水平,但近年新造嘅租約同樓宇買金價格都明顯跌左好耐,只係呢類價格下跌需要一段長時間先可以反映係CPI嘅啲價格指標上。

用按月數字睇,你見到住屋價格嘅增長率已經回落至0.56%,係去年四月以黎最低。

呢個都係通漲走勢仍算樂觀之處。

訂閱本網嘅Substack Newsletter,就可以不定期收到經濟學術及經濟時事討論文章。
Previous article如果你尋日放假,但你選擇留係屋企,應該用邊個四字詞黎形容? — 食字Gag
Next article其實係香港做教育出版呢,好易落地獄架⋯⋯ |易乾記者食字區
Econ記者網站新聞團隊(絕大部份時間其實得一個人主理)

留言區

This site uses Akismet to reduce spam. Learn how your comment data is processed.