美國十年期國債孳息，喺通漲指標持續升溫嘅，反而由3月時嘅1.7%水平下跌至現時1.3%左右，情況有啲奇怪。
有咩咁奇怪
- 因為長年期嘅國債息率，理論上要反映該債券由依家至債券到期前，市場所預期嘅一連串嘅名義國債利率。
- 由於名義利率升映嘅係通漲預期加上實質利率預期，當通漲預期上升，名義利率亦應會隨之上升。
- 由另一個方向睇，由於聯儲局有保持通漲穩定（於平均2%）的職責，通漲大幅上升（至目前按年5.4%），理論上會令聯儲局收緊貨幣政策嘅速度更快更急。由於十年期國債孳息需要反映未來一連串聯儲局目標利率（Fed Fund Rate，FFR）嘅走向，若可見將來嘅FFR會急升，10年美國孳息都應該會現上升趨勢。
有咩解釋呢
- 一個講法係市場對通漲嘅預期根本無上升。事實上，如果用十年期Breakeven通漲率（用十年期國債孳息減同年期嘅通漲保障國債）係5月中升穿2.5%後，已經回落至2.3%左右。
- 如果用5-Year, 5-Year Forward 預期通漲率亦都係相同嘅走勢，係5月中慢慢回落。
- 而就算喺5月由Philadelphia Fed 製作嘅 Survey of Professional Forecasters 數據都顯示，十年通漲預期都由2.3%。
- 換言之，通漲預期實際上並無上升，甚至微微回調，所以十年國債孳息無大升嘅道理。
- 另一個有趣嘅解釋，係上一個加息周期時，當聯儲局目標利率上升之時，十年國債息率與FFR目標嘅息差愈來愈細。簡單講就係所謂嘅孳息曲綫趨平，甚至係反轉嘅現象。如果市場預期相似嘅情況係未來嘅加息周期再現，反而可能令十年期債息受壓。
Red: FFR upper bound
- 不過，市場最多人採納嘅解釋，係第一季好多投資者設立左所謂Steepener Trade嘅投資策略，因為當時炒作經濟重開嘅憧憬，用衍生工具押注長短國債息差，會因為通漲回升而愈拉愈闊。
- 但當長債息同通漲預期升幅放緩，甚至倒頭微調，呢類倉位就愈蝕愈多，部份投資者拆倉就令十年孳息嘅跌幅短綫加劇。正因為呢個技術因素，就算實體經濟嘅物價升幅加快，仍出現較十年孳息倒轉走嘅情況。
參考報道:
- ‘Strange’ bond reaction to US inflation data puzzles investors – FT
- How to Solve the Mystery of Falling Bond Yields – WSJ
