多得華為,傳媒對5G有好多關注。相信唔少讀者對5G都有一個重要嘅疑問,就係4.5G都講緊300元一個月,5G係咪會再貴啲?

尋日WSJ有一個5G專題,其中一題就係問:「How Much 5G Could Cost Users」?

How Much 5G Could Cost Users

Wireless carriers are still grappling with how much to charge consumers and businesses for this faster, next-generation service.

目前未有5G嘅流動電話服務,因此未可以準確知道個價錢。不過記者訪問美國學者同業界,一個明確嘅共識係5G係流動電話黎講,應該唔會貴過現行4G流動電話服務(至少唔會貴好多)。

但係流動電訊商用幾百億更新電訊設備,先可以建設5G網絡,唔收貴啲點賺返啲成本?其實係專題嘅另一篇文就講解,5G唔再只用喺流動電話網絡,好重要嘅進步係「Internet of Things」嘅應用,即係好多家居、交通及工業設備都可以用到5G。

商業上嘅應用,較多人提及嘅係汽車(甚至係無人駕駛)上嘅應用。但其實5G可以應用到工業生產,一個重要進步5G電子通訊可以大幅減少Latency(即lag time), 令工業生產設備無綫溝通更易,可以令工廠「無綫化」。又或者係醫療上嘅應用,可以遠距診症。

呢類嘅商業應用,將會係5G服務供應商嘅重要收入來源,分擔消費者要「貢獻」嘅費用。報道訪問嘅學者認為,5G網絡服務會因為多用途應用,整個經濟生態同現有4G嘅唔再一樣。例如工業應用嘅收費,可能係同設備掛勾而唔只係依家流動數據咁按量收費,5G服務商可能會將數據用設備綁埋一齊賣,盈利方式更多元。

就算係消費層面,因為5G可以直接用係家居寬頻,所以流動數據可能根本係打包一齊賣,又令數據銷售嘅生態有變。而係消費層面如VR及遊戲嘅應用,都可能將用量費用同設備捆綁,所以單計流動數據未必大變,只係5G應用中一個少少嘅層面。

登記本網Newsletter,就可以不定期收到專業嘅經濟學術及經濟時事討論