尋日講過，傳聞歐盟方面建議推遲Brexit 21個月；今日就傳英國首相Theresa May（文翠珊）都計劃要延期Brexit。
今次嘅講法來自FT，據近May姐消息人士講，今日May姐就會向國會宣佈假若3月12日新Brexit方案再被否決，佢就會給予國會機會選擇繼續推動No Deal Brexit，或者向歐盟要求一個短時間嘅延期。
今次May姐係大幅改變原有嘅立場，因為No Deal嘅威脅一直係英政府手上最大籌碼，用以迫使國會支持新Brexit議案。
另外，尋日工黨公佈改變立場，支持二次公投，並會在公投中支持廢除Brexit。如果Brexit延期，二次公投嘅壓力可能愈黎愈大。
