Market Monetarism （譯為市場為本嘅貨幣主義）係自金融海嘯後係經濟學網上討論中，相當流行嘅一個宏觀經濟學術分析框架。就正如佢嘅名稱所述，Market Monetarism係建基於主流嘅Monetarism，但加入較金融市場訊息作為政策指導工具。
但首先，咩係Monetarism？
係2008年金融海嘯之後，網上經濟學界流行一種新嘅Monetarism，名為Market Monetarism。Market Monetarism嘅興起，其中一個重要原因係George Mason University Mercatus Center現任Program on Monetary Policy嘅主管 Scott Sumner教授係後海嘯時期，不停於網誌《The MoneyIllusion》上推廣相關嘅概念。
何謂Market Monetarism？ 係基礎嘅分析上，Market Monetarism與傳統嘅Monetarism一脈相承，兩者都同意貨幣對經濟及通脹有顯著嘅影響力，亦同意央行應該採用目標為本嘅貨幣政策，而非主動式貨幣政策；但係應該採用咩野用作貨幣政策目標，就係兩者嘅主要分野。
傳統嘅Monetarism會傾向以貨幣供應或利率作為政策目標，但Market Montarism就比較傾向以市場指標作為政策目標；佢地亦會利用股市、債市價格等作為貨幣政策效應嘅衡量準則；例如Scott Sumner就長年倡議聯儲局應以名義GDP（NGDP）嘅期貨作為貨幣政策目標。惟現行並未有任何流行嘅NGDP期貨市場，唔少都只係等留係研究試驗階段。但仍有唔少Market Monetarism學者會以NGDP水平或增長率，作為政策分析嘅替代指標，並提倡以NGDP作為央行政策目標。
兩年前Sumner接受Econ記者訪問時就解釋：「我地主張以市場預期作為貨幣政策嘅依據。與其由聯儲局官員坐係度諗『貨幣政策咁樣做就對經濟最好啦』，我地應該採用市場認為可以達致合理NGDP增長速度嘅貨幣政策。」正因為佢地更重視政策對市場預期，因此就稱為「Market」Monetartism。
呢個學派一個重要論述，就係Quantity Theory of Money（MV=PY）入面嘅V （Velocity ，貨幣流通率）並唔係長綫穩定，因此單單控制貨幣供應難以長期穩定經濟，例如貨幣供應增加嘅經濟刺激效應，可以被V下降所抵消；又或者V嘅波動引致通脹或通縮。因此Market Monetarism學者會認為直接以QTM等式嘅右手邊（即NGDP）作為目標，更能穩定經濟。
NGDP可視為經濟總需求（Aggregate Demand）嘅替代指標，當其增長低於政策目標就反映需求減弱，可以利用增加貨幣供應黎刺激AD；NGDP高於目標，則可減貨幣供應黎壓抑AD，避免通脹過高。「如果央行採用5%嘅NGDP政策目標，就應該透過調節利率或者貨幣供應至市場相信足夠達致5%增長為止，由市場預期主導貨幣政策。」Sumner當年係訪問講到。
以市場預期作為政策導向，同現時流行嘅Taylor Rule唔同之處係前者「依靠一個模型理論，個模型可能岩亦可能錯；更有效率嘅政策指導係市場預期，因為市場會總結成千上萬嘅模型推論，然後整理出一個『最佳』政策嘅『共識』。」Sumner解釋。因此，佢認為如果有一個NGDP期貨市場，供市場人士買賣佢地嘅NGDP增長預期，並從中獲利，就可以善用市場訊息作為政策導引。
