近日港匯愈來愈近弱方兌換保證7.85兌一美元的水平，這令我對匯市危機的基礎經濟模型的興趣急升。是時候花啲時間，回顧同整理我以前聽過但未有深研過嘅一啲基礎模型。
一個唔少經濟學生都會聽過學過的，就會係固定匯率制度的Mutliple Equilibria及Self-Fulfilling Speculative Attack的情況。
Multiple Equilibria
Multiple Equilibria，固名思義就係一個制度場景下，有超過一個理論均衡點，即係超過一個推論結果。
一個典型例子就係銀行擠提問題。
在Fractional Reserve regime下，銀行接受存款後只係需要留下一少部份作為儲備，其他存款得來嘅資金可以再次借出去。這個制度下，銀行體系的總存款量遠多於其總儲備。因此，如果所有人存款者一同提款，銀行根本不可能有足夠儲備應付，就會出現銀行擠提。
在這個情景下，存戶信任銀行體系相安無事係一個均衡情況，所有人信心盡失引致擠提亦係一個均衡情況。兩個均衡狀態都可能，邊個會出現就視乎銀行存戶的信心；在這個模型中，這一般被視為exogenous因素。
口述版本：
