西非第二大經濟體加納（Ghana），其貨幣Cedi年初至今兌美元跌左36%，令國家面臨經濟危機。該國總統John Dramani Maham已責承其經濟顧問與IMF展開商討，研究救助方式同金額。
大家可能唔知，其實近年加納同好多非洲國家一樣增長相當快，更有唔少投資者都將Africa Rising 作為一個重要的投資主題。加納近幾年的GDP增長率都可接近8%，而2011年的GDP增長更高達15%，經濟增長絕對算係快的。
另外，IMF今年5月底的經濟報告亦指，加納係減貧的工作上做得比其他非洲國家好。
更重要的是加納近年致力改善營商環境，按World Bank的Ease of Doing Business （營商容易度）指數，加納的表現亦都係好過非洲諸國的。
更更更重要的是加納有石油出產，帶動該國經濟發展！
咁睇法，加納應該係形勢一片大好的，點解會要向IMF求救？ 問題係加納係經濟增長同時，其財政開支都大增，更準確的說法是其財政赤字大增！
按IMF 5月時的經濟報告提供的數字，加納的財政赤字高達其GDP 10.9%！主要的成因是上任政府遺下一個公務員薪金調整計劃，令該國公務員整體人工開支兩年間增加達75%，加上該政府在收稅方面的情況唔理想，終令財政赤字難以控制。
而另一方面，加納的通脹持續維持在高水平，去年的通脹已經升到去13.5%，但由於通脹的成因部份同入口價格上升有關，就算央行加息至18厘都無法壓抑通脹。
基礎經濟學教科書會教你，當一個國家有高財赤同高通脹，其貨幣滙價就好大機會下跌，而這正是加納的情況。再加上其實近月加納政府不時強調可以用「本土政策」控制滙率問題，拒絕向IMF求援，亦影響投資者信心。例如7月29日該國署理財長表示唔會向IMF求助，7月30日該國貨幣價格（兌美元）就急跌6.2%。
－－－－－－－－
最後我想講的是，我會留名等曾俊華出來話：「如果政府唔控制支出，香港好快會變成加納！」
：O）
