Tri-Party Repo 相關內容

Repo其實係個簡稱，全稱係Repurchase Agreement（回購協議），係金融市場上一種好常用嘅短期借貸方法。 Repo—即係用抵押品借錢 簡單嘅Repo會有兩個參與者（所謂嘅Bilateral ）: 例如貨幣市場基金手上有多餘現金，就可以係Repo市場上借出； 同一時間，某間投資銀行手上持有一啲流動資產（例如美國國債或者MBS），想將佢變成短期現金，就可以入Repo市場借錢。 咁兩位參與者係Repo市場就會簽訂協議，由投行一方「賣出」手上流動資產，貨幣市場基金「購入」；同時兩方又會訂明會係指定時間後，投行會以預先訂下嘅價格「買回」係資幣市場基金手上嘅流動資產。 呢個「賣完再買返」嘅協議，實際上就等同投行以手上流動資產做抵押，向貨幣市場基金借錢。由於借錢有利息，所以投行買回抵押資產嘅價格將會高於賣出價，價差就係投行借錢要付出嘅利息成本。 Tri-party Repo市場 除左上述嘅Bilateral Repo市場，亦要留意頗多嘅Repo交易會係Tri-party Repo市場進行。 係Bilateral市場入面，借貸雙方會自行處理交易所有細節； 係Tri-party 市場借貸雙方嘅中間，就會多左一間負責結算嘅投行（Clearing Bank）。 基本上，Tri-party Repo市場只有兩間大型Clearing Bank，分別係JP Morgan同Bank of New York Mellon；兩間Clearing Bank唔會為借貸雙方做任何交易配對工作，但就會幫佢地托管抵押品、幫抵押品估值同埋確保交易採用合適嘅Haircut比率，並會幫經常參與借錢嘅投行管理手上嘅抵押品。 係Tri-party 市場交易嘅好處，係交易更具成本效益；但如果抵押品比較特別，借貸雙方都會採用Bilateral為主。 但因為較難全面整理Bilateral Repo交易嘅所有數據，目前學界未能準確掌握個市場嘅規模，但係2014年嘅一篇論文中New York Fed嘅研究員就粗略估計Bilateral佔六成交易，Tri-party佔四成。 Haircut: 保障貸款人嘅設計 Repo另一個重要嘅設計，就係同好多抵押品借貸一樣有所謂嘅Haircut（剃頭）制度（另一個叫法係Margin）。 為保障借錢出黎個位投資者嘅利益，抵押品可以用黎借嘅金額，係會細過抵押品嘅市值。 例如一張價值100元嘅MBS可能有大約8%嘅haircut，換言之持有嘅張MBS嘅借貸人只可以係Repo市場借到92元。 係呢個制度下，當借錢個位還唔到錢，而抵押品又貶值嘅話，haircut可以為借錢出黎個位分擔損失（上述例子，首8%嘅貶值受haircut保護）。 正常而言，Haircut嘅比率同抵押品嘅「安全」程度有正比關係 例如，政府保障嘅資產如美國國債、政府機構MBS等嘅Haircut，會較企業債券、股票同信貸資產等嘅為低。 以下就係2008年至2010年期間，各種資產嘅平均Haircut比率： 參考資料： Repo Runs: Evidence from the Tri-Party Repo Market 本網與Repo相關嘅文章 聯儲局可以點樣干預Repo市場援救雷曼? Repo市場係12月31日有個無咩人留意嘅異動… 金管局向聯儲局用FIMA Repo Facility借 100億美元

Tag: Tri-Party Repo

Repo – 回購...

美國經濟

終於見到美國關稅收入大增啦

英國經濟

英國春季預算 – 工黨政府與OBR沒完沒了嘅fi...

加拿大經濟

加拿大GDP料12月見0.2%反彈

經濟學

信息不對稱與Moral Hazard

孳息曲綫反轉又如何？

Alchian-Allen效應? 用Essential Phone做例子解你知…