Tag: 銀行-財政累鬥累偱環

歐元區入面嘅銀行購買本土國家發行國債嘅淨額，喺一月錄得正數，係2015年以黎首次。

要記住，意大利理論上個財政狀況係好「穩健」。

之前簡單講過ECB一篇有關銀行同國家財政累鬥累旋渦嘅研究，其實呢個研究嘅論述可以部份應用係近期嘅意大利預算危機之上。

歐債危機之後經濟學者學識左銀行體系同政府財政，可以係危機時形成一個累鬥累嘅惡性偱環。即係，銀行體系出現問題時，可能會拖累國家財政穩定；而國家財政不穩又可能反過黎令銀行體系受到更大嘅衝擊。 早前ECB就刊出一篇論文《Managing the sovereign-bank nexus》詳細論述呢個累鬥累偱環，據七位合著嘅經濟學者嘅整理，銀行同財政之間嘅惡性偱環可以歸納為三條風險傳播渠道。