負債相關內容 | Econ記者

《House of Debt》是由學者Atif Mian同Amir Sufi撰寫嘅經濟學科普書，內容主要係整合兩位對美國金融海嘯同當地樓債因果關係嘅研究。 中產受樓價按債拖累 佢地嘅研究發現，金融海嘯之所以破壞力驚人，係因為2000年代中美國金融界放寛了對「次按」（Sub-Prime）嘅借貸條件，令不少原本買唔到樓的中產（甚至是中產以下人仕），都可以借到按揭買樓。到2007年樓市泡沫爆破，就因為中產人仕就最受打擊，才會拖累實體經濟。 兩位學者指出，整體黎講按揭本質上就是幫助較窮嘅人，向有錢人借錢買樓。當樓價大跌，出現嘅情況就是中產家庭手上資產大幅減少（因為層樓就係佢絕大部分嘅資產），但債務金額不減，結果淨財富（即係身家）大縮水。 但另一方面，有錢人嘅資產在樓市泡沬爆破時改變不大（因為佢借俾人嘅債項價值不變，同時樓佔其總資產嘅比例又比較低），結果樓市泡沫，最終成為將財產由中產轉移到富人嘅一個過程。 中產消費力受創 兩位學者更指，中產人仕相對有錢人嘅消費傾向（MPC，Marginal Propensity to Consume）高得多；即係如果同樣得到一百元，中產用在消費的比例明顯較高。 例如研究指美國「借貸／財富比率」達90%（即每100元資產有90元是借來的）嘅人士，佢地嘅消費傾向係「借貸／財富比率」只有30%嘅人嘅三倍；即係同樣得到100元，身家較少嘅人（如中產）會洗多3倍錢。 正因為樓市崩潰主要打擊中產人仕，拎走大量中產人士嘅財富，迫使一向消費較多嘅中產朋友要大幅減少消費，最終拖垮美國經濟。兩位學者補充，千禧年的科網泡沬爆破，並無帶來經濟危機，正是因那時的財富損失集中在最有錢的人身上，因而無出現消費需求緊縮的問題，實體經濟亦能「全身而退」。

Tag: 負債

《House of Debt》- 點解樓市崩潰會引發金融海嘯？