機會成本相關內容

最近係度睇緊啲有關International Economics論文，發現自己係International Trade呢個課題上面，從來只係識Comparative Advantage嘅個念，仲要學得唔係咁好... 咩係Comparative Advantage? 好簡單咁講，就係做分工合作嘅決定時，邊個做咩野唔係取決於直接嘅金錢成本，而係要睇機會成本；即係做一件事時你放棄左嘅係咩。如果你放棄嘅野係最少嘅話，呢件事就應該由你黎做。 傳統嘅例子就係A國生產紅酒B國生產牛油，但今次我地不如試下用另一個例子化簡為煩，將簡單嘅野講到有咁複雜得咁複雜。 係一個簡化嘅世界入面就只有兩份工作，一係做經濟學者，二係做經濟記者。又假設呢兩份工取決嘅技能分別有三種，做經濟學者要叻經濟常識同數學邏輯，做經濟記者要識經濟常識同寫字。又再假設每種技能都有分三種天份（高中低），而唔同嘅天份會影響到學習所需嘅時間，例如高天份用一年，天份中庸者三年，低天份者六年。 假如有兩個人- B君同C君，兩位都係立志要成為經濟學者嘅。 B君不論係數學邏輯定經濟常識都係高天份嘅，同寫字都係中等天份； 另一方面，C君就係經濟常識及寫字能力有中庸份、數學邏輯天份低。 好啦，咁兩份工作會係點分配？ 咁當然係講成本啦，係上述嘅設定我地可以先用學習所花費嘅時間，黎統一計算兩人做每份工嘅學習時間成本。 B君做經濟學者嘅話，佢需要用一年時間學習經濟常識，加一年時間學數學，共花兩年； B君做經濟記者嘅話，佢需要用一年時間學習經濟常識，加三年時間學寫字，共花四年； C君做經濟學者嘅話，佢需要用三年時間學習經濟常識，加六年時間學數學，共花九年； C君做經濟記者嘅話，佢需要用三年時間學習經濟常識，加三年時間學寫字，共花六年； 咁B君花少啲時間就可以成為經濟學者，當然俾佢做；但B君亦都可以花少啲時間就可以成為經濟記者，又要俾佢做？ 咁個情況係，我地可以轉睇機會成本。如果由B君做經濟學者，佢自己可以節省兩年時間之餘，C君亦可以節省三年時間，兩人共節省五年。咁呢個分工合作，可以令資源更有效率分配。 而理論上，下一步就係兩人可以進行交易，因為B君做左經濟學者，唔得閒處理新聞資訊，咁佢就可以向做記者嘅C君買新聞資訊，最多會俾相當於兩年學習成本嘅價值。倒轉頭，C君無投資經濟學術研究，咁佢可以俾錢B君，叫佢教授經濟學術知識，最多佢會俾到相當於三年學習時間嘅價值。 係呢個情況下，兩個人都會最大嘅得益，互惠互利啊! 上述嘅個例子，係好似以前啲考試題目咁不必要地複雜，我仲要係隨意地一邊寫一邊創作。如果你咁都覺得學到野，真係要寫個服字俾你。

Tag: 機會成本

Comparative Advantage？我識啊!

Econ記者文章

股市泡沬考

甚麼是自然失業率—NAIRU？

禁IPO救唔救到中國股市? 三藩市聯儲銀行研究指…

香港利率制度初探

聯儲局點睇自然利率理論？