武漢肺炎拖累全球經濟 聯儲局月中勢再減息? | Econ記者 Podcast with 曾國平

因為武漢肺炎開始全球擴散,上星期聯儲局突然減息半厘,希望為美國經濟打個底,更有能力抵擋疫情將會帶黎嘅負面經濟影響。但減息之後,股債市場仍然極為波動,美股跌勢持續之餘,美國10年期國債孳息亦都多次創歷市低位。

依家市場更預期聯儲局會係3月18日議息會議後,不單會再次減息,幅度更可能高達75點子。到底係疫情係咪對美國經濟帶黎咁大打擊?而減息係咪真係咁可以保住美國經濟先?

睇下Byron點講:

2020財政預算案點評 | Econ記者Podcast with 曾國平

一個月前左右,曾國平(Byron)同我拍左條片話政府好應該係今次預算案派錢,結果我地成功爭取,所以即刻做條號外片,同係機場等緊搭飛機嘅Byron傾下佢有咩睇法!

仲有,今次預算案講到將會有成1300億港元財赤,創史上新高,又係咪咁得人驚呢? 睇下Byron 點睇 !

點解香港樓市未跌返去沙士價?| Econ記者 Podcast with 曾國平

武漢肺炎疫情係大陸未見好轉,不論對大陸經濟或者香港經濟都有明顯嘅打擊,但好奇怪嘅就係香港樓市並未有因此而大跌,如果按中原城市領先指數係二月第一個星期仲錄得微升。

曾國平(Byron,美國維珍尼亞理工大學經濟系副教授)就指出,其實所謂嘅「沙士價」係係自97金融風暴已來一直累積嘅「成果」。樓價2003年相對下跌幅有限,只係跌至多年「谷底」,配上後來嘅長期升勢,先至令大家「記憶猶新」。

再者,依家香港樓市因為早幾年嘅辣招所限,成交量一直較低。到經濟轉差時嘅短期反應就只係近乎完全凍結交投,而未係樓市急跌。 另一方面,Byron 以人口普查及金管局數字粗略估計,目前香港已供完層樓嘅比例遠高過沙士時,令當年「失業升、急沽樓、樓市跌、更多人沽樓」嘅惡性偱環,暫時未有出現。


Music Credit: – Bright Side by Evan Schaeffer

武漢肺炎拖垮大陸經濟嘅端倪 | Econ記者Podcast with 曾國平

武漢肺炎殺到黎,中國經濟無得避? 雖然話「傳染病學者都估唔到個疫情下一步係點,經濟學者又點會知呢?」,今集曾國平(Byron,美國維珍尼亞理工大學經濟系副教授)都試下用現有嘅證據,同大家分析下個疫情對大陸經濟嘅影響力。

首先係大陸股市新年假後開市首日嘅大跌,跌幅集中係製造業、重工業股,就可以反映湖北係呢一類供應鏈嘅重要角色。另外,國際油價都隨住疫情跌唔少,反映嘅好有機會係大陸嘅生產停頓,對能源需求急降。

呢啲都示意唔少中國公司至少會錄得短期虧損,咁跟住嘅問題就係有幾多大陸企會因此而資金流不足,出現違約等嘅金融問題? 而中央政府可唔可以出手救市? Byron 嘅回應就係「唔樂觀」……


Music Credit:
– Bright Side by Evan Schaeffer

武漢肺炎下香港好鬼大鑊 | Econ記者Podcast with 曾國平

明明兩個星期前,曾國平(Byron,維珍尼亞理工大學經濟系副教授)先講完香港經濟轉趨樂觀可以係今季反彈,可惜農曆新年一個武漢肺炎疫情大爆發,Byron依家覺得香港經濟今次好大鑊。

對於近日香港人搶購物資嘅情況,Byron直言「無法架喎」,一黎依家資訊傳播咁快,令大家集體反應速度遠高於以前,再者香港政府近期嘅防疫同幫助市民嘅表現極差,大家急住要自救都係合理嘅情緒……


Music Credit – Bright Side by Evan Schaeffer

香港政府快啲派錢啊!!! | Econ記者Podcast

由於新一份財政預算案又會係下個月出現啦,唔少香港政黨都開始發表佢地對派錢嘅立場。經過左超過半年嘅抗爭,加上對經濟回落嘅憂慮,好多政黨都一改以往立場,今年轉為支持向市民派現金(或者派消費券)。已經寫左成五、六年倡議政府派錢嘅曾國平(Byron,美國維珍尼亞理工大學經濟系副教授),就係今集就會講見到呢個情況嘅感想。

讀PhD救港? 咁讀宏觀經濟學有無得諗? | Econ記者Podcast

有連登仔話香港要學猶太人咁出多啲PhD,咁就可以幫手光復香港。咁你又有無諗過讀個宏觀經濟學嘅PhD呢? 如果你或者你朋友考慮緊,就不妨聽下今集Podcast,因為曾國平(Byron,美國維珍尼亞理工大學經濟系副教授)就會講下主修宏觀經濟嘅PhD有咩好處,同埋有啲咩要留意。

係呢個2020年嘅新節目,Econ記者同Byron希望可以為各位香港人提供一個輕鬆得黎,又具啟發同知識性嘅娛樂,所以每集我地會各自介紹一樣野俾大家睇同學下。

Byron今期推介嘅就係由Armen Alchian及 William Allen寫嘅著名經濟學教科書《Exchange and Production》。大家可以係Amazon搵到個絕左版嘅原版之外,亦可以搵到Byron提到嘅現代重出改版《Universal Economics》(重有免費嘅網上版)。

Econ記者介紹嘅書就係金融學者Andrew Lo 嘅《Adaptive Markets》,本書講嘅係如何將生物及生態學上嘅概念放入金融理論之上,補足現有以Efficient Market Hypothesis為基礎嘅金融學術,好適合對呢類非主流概念有興趣嘅讀者細讀。

讀PhD救港? 咁讀宏觀經濟學有無得諗 | #Econ記者Podcast with 曾國平 |

有連登仔話香港要學猶太人咁出多啲PhD,咁就可以幫手光復香港,咁你又有無諗過讀個宏觀經濟學嘅PhD呢? 如果你或者你朋友考慮緊,就不妨聽下今集Podcast,因為曾國平(Byron,美國維珍尼亞理工大學經濟系副教授)就會下主修宏觀經濟嘅PhD有咩好處,同埋有啲咩要留意。 另外,係呢個2020年新節目,Econ記者…

呢個Podcast節目未來希望可以做到一星期一次,如果大家有任何意見就請多多留言提出。而有咩題目想Byron同我探討,亦不妨多作建議。最緊要係若果大家聽得開心,就多多廣傳俾你覺得有興趣嘅朋友聽,正所謂「好人一世平安~」,多謝各位聽眾!


Music Credit:
Bright Side by Evan Schaeffer
humm ok by Gablé