Repo利率又再月尾抽升 Standing Repo Facility 仲有無效？

上星期五係「Black Friday」之餘亦係11月最後一個交易日。

每逢月尾就可以睇下美元市場嘅repo利率走勢，因為大型嘅repo交易商面對月尾粉飾資產負債表嘅壓力，會喺呢啲日子減少參與交易，令市場嘅流動性分配有較大嘅阻力，所以一般個repo利率都會有抽升嘅情況。

而隔夜repo利率最終喺11月28日的確錄得明顯彈升嘅情況：

• SOFR利率升至4.12厘
• Tri-party General Collateral 利率就算一向波動性較低，都升至4.08厘

重點係呢兩個利率都升穿左聯儲局嘅利率目標上限。

當然，我要重申聯儲局嘅利率政策明文上嘅目標，並唔係要repo利率留喺佢個目標區間之內，而係要聯邦儲備利率（Federal Funds Rate）唔好升穿個控制範圍，呢個利率只係3.89厘，微升左1個點子。

依家Standing Repo Facility嘅應用同聯儲局利率控制之間嘅互動，就係SRF使用量會急升嘅同時，利率亦依然會升穿個利率控制區域。上星期五同今日都分別見到銀行等嘅金融機構借左240億美元及260億美元嘅即日資金，喺SRF嘅歷史黎講都算係高用量架啦。

【詳細嘅Standing Repo Facility解讀，請睇呢篇《Standing Repo Facility 係咩黎？》】

當然，一個好理想嘅情況就係喺呢啲市場流動性較緊張嘅日子，SRF用量可以大幅急升，金融機構成功從聯儲局借取所需嘅資金，完全消滅左個repo利率升幅。但目前SRF嘅設定與及銀行對呢個工具嘅「好感」都限制左SRF嘅發揮。

只要過左月尾之後，repo利率重回正常區域之內，聯儲局目前嘅仍然會選擇當呢啲短時間嘅抽升係無問題，只係無可避免嘅市場阻力。