JOLT報告: 5月職位空缺微微反彈

喺5月份JOLT報告見到嘅係美國職位空缺終於（微微）回升，由792萬個職位，升至814萬。

• 呢個亦帶動空缺比率升0.1個百分點，至4.9%。

但係呢升幅係因為4月嘅空缺數字修訂後下調左。本來個數字係806萬，咁比較個「升幅」就其實好細。

新嘅職位空缺數字顯示嘅都係就業市場係一個相當健康嘅水平橫行，

• 頗受關注嘅空缺對失業人數比率同4月一樣係1.22倍，無變動。

順帶一提，呢份報告出嘅差唔多時間，聯儲局主席Jerome Powell 亦喺歐央行貨幣政策年會就講到，佢認為目前美國嘅勞動市場係有序咁冷卻緊，正朝理想嘅方向發展，無見到有再度回暖嘅情況。