美國公佈就業報告嘅同日亦係加拿大公佈勞動市場數據嘅日子。
- 5月加國失業率為6.2%，較4月升0.1個百分點。
失業率升背後，係就業人口增加2.67萬個
- 同一時間，勞動人口增加左5.45萬個。當勞動人口遠高於就業人數，就帶動失業率上升。
- 5月人口增長則為9.76萬，職位增幅難以消化人口增幅嘅大勢仍然持續。
轉個角度睇同一件事，加拿大嘅勞動參與率繼續停左係65.4%
- 今年以黎，加國嘅參與率唔係65.3%就係65.4%，一直持續橫行。
- 但係就業對人口比率就緩緩下跌，2023年頭個比率係62.4%，依家已經降61.3%。
不過，5月就業數據最值行留意嘅唔係上述呢個人口增長難以消化嘅長綫趨勢，
- 如上述，5月就業人口/職位升左2.67萬，但如果分開全職及兼職兩類睇
- 兼職人口升左6.24萬，而全職反而跌左3.56萬! 即係就業增長係全靠兼職工作拉動。
- 上次全職職位減咁多已經要2022年8月嘅 – 4.78萬。
所以唔只人口增長難以消化，職位嘅質素都差左。
總而言之，相信大家都見到點解加拿大央行覺得有需要減息啦。
