美國三月份嘅CPI通漲率為5%(或者更準確俾係4.99%),同之前一個月比6% (或者5.99% )比較,回落幅度高達1個百份點。
而你可以由下圖睇到,呢個係2021年初以黎首次整體通漲率係低過核心通漲嘅(三月核心通漲率為5.6%)。
![](https://i0.wp.com/en.econreporter.com/wp-content/uploads/2023/04/Core-and-Headline-CPI.png?resize=696%2C469&ssl=1)
不過呢個正正係問題,反映嘅就係整體嘅回落,主要係由能源價格帶動,其他價格仍然見到上升壓力。例如睇下呢個指數三大分類嘅圖:
![](https://i0.wp.com/en.econreporter.com/wp-content/uploads/2023/04/Subindex.png?resize=696%2C444&ssl=1)
能源價格按年嘅跌幅高達6.38%,呢個係樂觀嘅情況,但亦係一早預計左嘅。但食品價格(唔會計入核心嘅)年增長仍然高達8.49%,就算走勢趨降但仍處高水位。
服務價格(除能源服務)亦係無太大嘅回落,年增長仍然高達7.12%,亦見到通漲壓力仍然唔細嘅。
![](https://i0.wp.com/en.econreporter.com/wp-content/uploads/2023/04/Subindex-MoM.png?resize=696%2C442&ssl=1)
用按月睇,就會見到服務價格仍然係通漲壓力嘅來源,食品價格就趨向穩定。
![](https://i0.wp.com/en.econreporter.com/wp-content/uploads/2023/04/Shelter-CPI.png?resize=696%2C464&ssl=1)
不過!!! 服務價格增長一個重要原因係住居價格年增長仍然高達8.18%!但好多評論都指出(例如本網之友曾國平係上年九月就指講過),住屋價格係明顯將會繼續下跌,因為CPI之類嘅價格指數係會量度平均嘅租金及樓價水平,但近年新造嘅租約同樓宇買金價格都明顯跌左好耐,只係呢類價格下跌需要一段長時間先可以反映係CPI嘅啲價格指標上。
![](https://i0.wp.com/en.econreporter.com/wp-content/uploads/2023/04/Shelter-CPI-MoM.png?resize=696%2C451&ssl=1)
用按月數字睇,你見到住屋價格嘅增長率已經回落至0.56%,係去年四月以黎最低。
呢個都係通漲走勢仍算樂觀之處。