之前提過歐盟方面預算會給予英國三個月嘅Brexit延期，依家最新嘅傳聞係歐盟傾向建議提遲21個月，即係延期至2021年初。
之前三個月延期方案由Bloomberg報道，講緊嘅只係假設首相文翠珊係三月底歐盟峰會時，英國國會已經決定支持一個Brexit方案，呢三個月嘅技術性延期係用黎俾英政府足夠時間通相關嘅法案。
新嘅21個月方案就係The Guardian引述歐盟官員嘅講法，因為三個月解決唔到Brexit談判核心問題。至2021年，亦可以同歐盟跨年預算（Multiannual financial framework）嘅年度較一致，因為目前嘅財政年度係由2014年至2020年，令財政上嘅爭議更易處理。
歐盟內部亦對Brexit討論開始感厭惡（所謂嘅Brexit Fatigue），所以唔少歐盟官員都傾向支持21個月延期。
