歐央行係12月正式停止QE,本來打算停歐元區經濟及通脹穩步回上,去到下年就開始加息。

可惜嘅係歐元區經濟今年以黎一直向下走,特別係德國經濟有轉壞嘅趨勢,多項數據都顯示經濟未如理想。

歐央行雖然未會減息同再次QE,但唔少分析相信會再次採用TLTRO。歐央行執委Peter Praet係最近一個訪問就指出TLTRO係處理貨幣政策傳遞不足問題嘅工具,而三月嘅議息會議,歐央行將會審視現行貨幣政策傳遞嘅效應。

所以係呢個時候,好值得留意一下TLTRO係咩?

TLTRO 全名係Targeted Longer-Term Refinancing Operations,係歐央行係2014年6月開始使用嘅貨幣政策工具,好簡單講就係一個具針對性且年期較長嘅借錢俾銀行體系嘅政策。

較長期係指向銀行嘅貸款還款年期長達4年,較歐央行常用嘅貸款年期如隔夜至三個長得多。

針對性就係指銀行可以向歐央行借貸嘅金額,同銀行向企業或居民發放嘅貸款額掛鈎。

而TLTRO嘅利率亦係相當低,通常都係歐央行嘅基準利率。而2016年3月推出嘅TLTRO II,如果借錢嘅銀行貸款予企業及居民嘅資金多過一定要求,其向歐央行支付嘅TLTRO利率仲可以再減,最多降至央行存款利率(準確講法係Rate on Deposit Facility)嘅水平。

TLTRO可以確保銀行體系有充足嘅資金流動性,較長期嘅貸款亦可以減輕銀行經常要為短期借貸再融資嘅負擔。

The End


如果你覺得本網嘅文章有價值,強烈建議大家係 Google News follow 我地。
Econ記者亦正研發Substack Newsletter,不定期向各位發送我地嘅經濟學術及經濟時事討論文章。
Previous article歐央行嘅TLTRO係咩黎?
Next article聯儲局打算減資產表減到幾多?
Econ記者網站新聞團隊(絕大部份時間其實得一個人主理)

留言區

This site uses Akismet to reduce spam. Learn how your comment data is processed.