當 Facebook 公佈業績,投資者留意嘅當然係廣告收入、盈利及成本開支嘅數字。其實當日FB亦披露左外間無從得知嘅「假戶口」數字!

點先算FB假戶口?

  • 所謂嘅假戶口唔只係「假扮名人」嗰啲,FB嘅定義係只要佢覺得你個戶口係用黎呃人,又或者FB覺得你係一盤生意,但就開左個「個人戶口」而唔係「專頁」嘅話,你都會被定性為「假戶口」。

你見到「假戶口」對FB嘅營運影響好大,因為FB根本上就將阻住佢搵食,即係令佢收少左廣告費,又或者令廣告商卻步嘅生為,都放晒落「假戶口」呢個定義入面。

咁FB話佢個平台上有幾多「假戶口」?

  • 2018年第四季嘅活躍假戶口數字係1.16億個,相對23.2億嘅用戶數字,即係大約20個戶口就有一個係「假人」
  • 2017年個假戶口數字係8500萬個,即係一年間多左36%!
  • 但其實今年嘅升幅一啲都唔算誇,因為2016年去2017年嘅升幅係3.5倍!

仲要記住,呢啲假戶口數字係FB「估」出黎架,無人知佢係咪真,同埋有幾準。

例如呢排咬住FB唔放嘅NYT就報道指,FB每季公佈話自已清理左嘅假戶口數字,季季都上落都好大,但個「活躍假戶口估算」就好穩定。

唔排除FB其實係背後操弄呢個假戶口數字,純係用黎安撫下啲廣告商,等佢地心裹有個數,雖然個數無人知係咪真嘅。

The End


如果你覺得本網嘅文章有價值,建議大家係
Google News ;或 Patreon
follow 我地,咁就可以最快咁睇到我地新刊登嘅文章。
Previous article2018年歐元區嘅經濟增長係幾多?
Next article國債發行額再創新高 – OECD話