之前講過,歐盟邀請左一眾成員國開一個緊急工作會議,作為今個星期嘅歐盟峰會之前嘅難民問題預先討論場所。個會尋日順利開完,有成16個成員國出席,咁個會議成果係咩呢?

歐盟星期日將舉行緊急難民問題會議

歐洲版Politico嘅總結比較有趣而且準確 — 「 a general agreement to stop seeking an overall, common solution」。即係各個歐盟成員國成功達成「係難民問題未必有單一解決方法」呢個共識。

呢個亦都係默克爾係會後見記者時嘅講法:

「Wherever possible we want to find European solutions, where this is not possible we want to bring those who are willing together and develop a common framework for action.」

即係話,製定到歐盟統一應對方法當然好啦,但如果唔得都要集合願意合作嘅國家,共同研發一個行動框架。換言之,默姨姨都明白到係短期內要令所有成員國有同意單一嘅難民應對方法,似乎唔係太可行。

EU leaders call for joint solutions to migrant crisis

European leaders have been meeting in Brussels to try to find common ground on the migrant crisis ahead of a full EU summit this week…. READ MORE : http://www.euronews.com/2018/06/24/eu-leaders-call-for-joint-solutions-to-migrant-crisis What are the top stories today? Click to watch: https://www.youtube.com/playlist?list=PLSyY1udCyYqBeDOz400FlseNGNqReKkFd euronews: the most watched news channel in Europe Subscribe!

目前歐盟內部就難民問題嘅爭議,主要在於First Movement與Second Movement 問題。所謂嘅難民First Movement就係講難民進入歐盟嘅問題,Second Movement就係入歐之後再轉到其他歐盟成員國住居嘅情況。

意大利及希臘等國由於係難民熱門嘅登陸地區,因此就較為關注在限制難民入歐呢個First Movement問題;德國法國等較富有成員國就較關注難民入境後移居當地嘅Second movement問題,呢個亦成為兩派爭議嘅地方。

係呢個會議之前,就出現意大利投訴歐盟嘅討論草稿只顧First Movement 問題,因此一度要脅杯葛會議。最後要默克爾親自同意大利總理Giuseppe Conte解釋,先令Conte回心轉意出席會議。

默克爾跪求干地出席難民會議?

可能亦因為咁,Conte可以主導今次會議。佢係會上簡介一個新難民解決方案提出10點建議,其中一個重點係歐盟各國應該共同分擔難民問題,唔參與嘅成員國就會分享較少嘅歐盟資源。據報道指,唔少成員國都覺得Conte嘅提議唔錯,不過仍需更多研究。

GiuseppeConte on Twitter

Si è conclusa la riunione informale sul tema migrazione a Bruxelles e rientriamo a Roma decisamente soddisfatti. Abbiamo impresso la giusta direzione al dibattito in corso. Ci rivediamo giovedì al Consiglio Europeo.

會後Conte係Twitter上就表明,對會議成果感滿意,明顯可見意大利一方係談判卓上嘅籌碼同話語權愈來愈多。