最近紅到爆（編按：真係爆）的新聞，莫過於南韓科技巨企Samsung旗艦電話Note 7，最近該公司就推出軟件更新，令舊電池無咁易爆，但該公司的聲譽與盈利亦因此大受影響。
Samsung於星期日就公開表示，將手上持有其他公司的股份出售套現，唔知係唔係要應付呢單重大事件而需要現金所致。根據Reuters報導，Samsung會將手頭上持有的4間公司的股票賣出套現。包括將持有荷蘭半導體製造商ASML中的一半股票，持有硬碟製造商Seagate的4.2%股票、日企Sharp的0.7%，及持有晶片設計商Rambus的4.5%股票統統賣出。報導指，今次套現的金額超過1萬億韓圜（約8.88億美元）。
