Tag: Standing Repo Facility

上星期五係「Black Friday」之餘亦係11月最後一個交易日。每逢月尾就可以睇下美元市場嘅repo 利率走勢，因為大型嘅repo交易商面對月尾粉飾資產負債表嘅壓力，會喺呢啲日子減少參與交易，令市場嘅流動性分配有較大嘅阻力，所以一般個repo利率都會有抽升嘅情況。 而隔夜repo利率最終喺11月28日的確錄得明顯彈升嘅情況

上次講到，聯儲局會打算喺今次會議後終止QT嘅一個原因，係貨幣市場入面嘅repo利率慢慢上移到接近聯儲局嘅利率上限；依家個講法係佢地為免再出現好似2019年嘅利率震盪，所以都係早啲停左QT免生支節。我亦都講到我係唔太同意今次就要停QT，因為對我黎講有啲早。 早定遲係相對嘅，咁相對啲咩呢？ 就係睇大家對聯儲局所謂嘅「利率上限工具」有幾大嘅信心。

Standing Repo Facility (SRF) 係一個相對新嘅聯儲局工具，喺2021年7月先正式確立為一個永久工具。SRF 令銀行可以通過repo協議，用高質嘅抵押品（例如美國國債） 去借取隔夜流動資金。好多人對呢個相對「低調」嘅聯儲局工具唔熟悉，但 SRF 好有可能好快成為美國央行最重要嘅利率工具。

當QT將儲備帶到所謂嘅「充裕水平」（Ample Reserves）之後，聯儲局將會如何執行利率政策呢？ 英倫銀行近幾年嘅試驗緊嘅「需求主導」Floor System （Demand-driven Floor System）可能係一個答案。