銀行與政府財政嘅累鬥累偱環

歐債危機之後經濟學者學識左銀行體系同政府財政,可以係危機時形成一個累鬥累嘅惡性偱環。即係,銀行體系出現問題時,可能會拖累國家財政穩定;而國家財政不穩又可能反過黎令銀行體系受到更大嘅衝擊。

早前ECB就刊出一篇論文《Managing the sovereign-bank nexus》詳細論述呢個累鬥累偱環,據七位合著嘅經濟學者嘅整理,銀行同財政之間嘅惡性偱環可以歸納為三條風險傳播渠道。

默克爾跪求干地出席難民會議?

話說歐盟今個星期日,會同多個成員國領䄂開一個非正式工作會議,商討歐盟區內難民問題。咁個會其實呢個會係由默克爾發起嘅,因為德國內務部長Horst Seehofer聲言會反對默克爾政府嘅開放邊境政策,令默姨姨急需係下星期嘅歐盟峰會搵到個解決難民問題嘅共識。

但獲邀嘅成員國之一嘅意大利,就一度話要杯葛呢個工作會議。

點解呢……?

因為係會議之前歐盟已準備左份難民問題方案草稿,但個份草稿寫左會要求區內難民返回佢地踏入歐盟時,首個登記國家。其實呢個方案係默克爾用黎回應Seehofer嘅要求,因為德國面對嘅主要係難民Second Movement嘅問題,即係入歐之後再轉到德國住居嘅情況。

意大利嘅反應好大,因為該國係相當熱門嘅登陸地,咁歐盟呢個方案好明顯會令意大利要接收返好多難民。意國嘅立場係歐盟應該要處理好First Movement問題,即係啲難民入歐呢個情況,而唔係只係幫德國處理Second Movement。所以,意大利內政部長兼北方聯盟首領Matteo Salvini就把握機會,要求總理Giuseppe Conte杯葛呢個工作會議,而Conte都講過會考慮杯葛。

咁最後點……?

暫時黎講,Conte已經講明會出席星期個工作會議,原因就係默姨姨親自打左俾佢解話。呢個係Conte係FB上嘅講法:

據膠事錄提供嘅資訊,London Times已經用《默克爾跪求干地出席難民會議》起題。

到底係默姨姨霸氣盡失,定係英國人愈黎愈唔鐘意默姨姨?睇唔透啦我就。

「希臘國債你會唔會買啊?」報道話唔少人爭住買喎

早前講過,希臘打算在未來兩星期內發行一批總30億歐元的七年期國債;之後仲會在未來幾個月內再發行一批三年期債及一批十年期國債。

有讀者就留言問我:「你會唔會買啊?」

我唔會買啊;邊有錢啊大佬。

但根據Bloomberg嘅一篇報道,唔少投資者對呢批國債好有興趣

ECB的QE退市策略未必要跟聯儲局

這篇由Société Générale集團首席經濟師Olivier Garnier在FT撰寫的文章,探討ECB在QE的收水及退市策略內容有趣,值得一看。 ECB exit strategy need not mimic the Fed’s A different sequencing mix between tapering and rate rises should not be ruled out 文中主要討論ECB在停止資產購買計劃及加息兩件事的處理上,是否有需要跟隨聯儲局的做法,先停止購買資產,然後才加息至一個「正常」水平。Garnier的看法是歐央行其實不需跟隨這個次序,他提出的原因主要有兩個。 首先,聯儲局當年是在利率下降至近零息水平後,才推出QE;聯儲局的立場,是QE為利率政策在零息下限面前有失效的情況,所以改用QE刺激經濟,即是QE是替代利率政策的工具。Garnier就指出,歐央行的立場一向是QE為利率政策的輔助工具,而非替代;事實上,歐央行在2015年3月推QE後,就曾兩次減央行存款利率(Deposite Facility rate),因此歐央行如果想同聯儲局一樣,認為退市的策略是將當日救市政策倒轉行一次的話,歐央行或應先加息,再停買債。 另一個原因,是在現時聯儲局似是有意加快調升利率的速度,這會令美元長債息率上升,這亦有機會傳到歐元市場,令歐元長債息率過早上升。由於資產購買計劃的主要功效在於調控長債息率,因此歐央行維持一定的資產購買行動,或可減低長債息率過度波動。Garnier認為合理的做法,是歐央行維持買資產的做法一段時間,但就減少購買金額。 總括而言,他的建議是歐央行在利率方面應採「closer to zero for longer」的態度,即加息令負利率政策不再,但就保證利率會維持在接近零息水平一段時間。資產購買方面,則採「smaller for longer」的方向,即延長資產購買計劃,但減少每月購買金額。

希臘債務問題— 2017年版

EU flag

希債問題又再上到國際新聞的主要位置,其實今次只是之前一個重要的問題一直未能解決,就是IMF到底會否「上船」參與希臘下一輪的援助計劃。其實這個問題本網已經多次題及,例如早在去年五月底的新一輪援助協議,IMF已經指出: 「目前我們仍未達到可以確定說,我們一定會參與下輪援助的階段。」 IMF:未確定參與希臘援助 | Econ記者 而這個問題一直拖至現在都未解決到。IMF方面仍然堅持,如果歐元區不願意向希臘減免債項,就算希臘可在2018年達到Primary Surplus對GDP比率3.5%的目標,經濟表現仍會無以為繼。 現時最新的發展,是希臘在今年8月底前要償還多達230億歐元的債務,並以7月為還款高峰期。 因此,目前歐元區希望可以在本月20日Eurogroup會議上,達成新的援助協議,確保7月時不會再次出現違約危機,並可望及早令希臘國債成為歐央行可以在資產購買計劃內的合資格資產。但IMF本週一的董事會議就希臘問題出現內部分歧,令IMF可能不參與援助計劃的風險上升。 IMF參與援助與否再添變數 希臘兩年債息升至9厘 | 經濟新聞記事錄 Source: Bloomberg View