Econ記者籌旗行動

話說早兩星期無左份Freelance工作,收入流大減,依家手上嘅現金流大概可以維持三個月嘅Econ記者運作,係時候試行新課金運作模式。

係文底我會放一個資助箱,個資助額我定左係30港元。玩法係,到9月初我無法得到200位人士各資助30港元,咁Econ記就會變成一個超業餘嘅專頁,我會去搵工轉行,唔會再做記者。而自9月後每個月,都係只會係有200人支持之下先會繼續運作。

玩咁大? 老實,如果我搵唔到200位讀者每個月俾30港元,(一本垃圾財經雜誌嘅價錢)去支持我繼續運作落去,我仲好意思話自己係個獨立記者?獨你老母咩,你只係個網上免費寫字嘅傻仔啊!

係呢個玩法下,唔會接受單次大額資助,因為我要嘅係Market Signal,無200人以上覺得我當個月寫嘅嘢係值得俾錢睇嘅話,我一定係做錯左啲野,一定係。所以我寧願每個月提大家俾錢(收保護費咩~😂),都唔想一次過收。

由依家到9月,我會出盡法寶去同大家證明Econ記者呢個項目係值得用錢支持嘅。如果你覺得我寫嘅野唔值30港元一個月,唔緊要,俾兩個月時間我證明過你睇👌。

Let the Game Begin!


*段字最先係FB專頁登左