經濟學習誌

其實PPI 係反映啲咩架呢？ 唔少人都會有另一個感覺，就係PPI其實係批發（Wholesale）價格指標，因為總之就係零售之前嘅一層啦，同CPI比較量度零售（Retail）層面價格作一個對比。其實現時唔少美國大型媒體時常採用PPI係反映批發價格嘅講法。不過用喺美國呢個講法就頗有問題。

7月PPI嘅數字就相當搶眼，PPI-Final Demand 就按月錄得0.9%先幅，仲帶到按年升幅急升至3.3% 最搶眼嘅一個細項，係新鮮蔬菜及乾菜（Fresh and Dry Vegetables），一個月升左38.9%，吸引到唔少傳媒報道。 但如果話關稅令入口價格高左，所以蔬菜嘅PPI急升就要小心啲啦，因為要首先記住一個重點，就係PPI係唔計入口嘅。