之前係文章《美國有幾多國債？》引述美國Congressional Budget Office （CBO）嘅《The Budget and Economic Outlook: From 2019 to 2029》報告，指出目前由公眾持有嘅美國國債約為15.8萬億美元，相當於GDP 78%。
而美國國債持有人，外國同本地嘅佔比係四六之比。目前最大嘅本地持有人分類係「個人投資者」，佔17%。聯儲局則係第二大美國國債持有人，約持有15%；外國投資者黎講，中國同日本就係兩個最大嘅持有人，夾埋大約持14%。
FT嘅記者Robin Wigglesworth喺文章《US investors step in as foreign funds tiptoe away from Treasuries》就從幾間投行嘅報告取來美國國債持有人佔比嘅歷史走勢，可以為上述嘅數字提供有用嘅背景詳情。
可以見到聯儲局持有嘅比例長綫而言其實頗穩定，反而近幾年美國本土私人投資者持有美國國債嘅比例持續向上。同一時間，外國投資者持有嘅比例見到微微向下走嘅勢頭。
點解呢？下圖係美國國債外國淨增持嘅數量。
可以見到，海外私人投資者其實持續增持美國國債，只係2015年以黎外國官方投資者持續減持，帶動外國投資者嘅持有比例下降。
