星期三法國財長Bruno Le Maire公佈向科企徵稅嘅法案。
- 任何科企全球收入高達7.5億歐元，同時係法國嘅收入達2500萬歐元的話，就要向法國政府支付相當於收入3%嘅稅款。要留意，稅收係以收入計，而唔係盈利計，呢個係要令科企較難避稅嘅設定。
- 目前大約有30間企業會受影響，當然包括Google、Facebook、Amazon、Apple。而受影響到嘅法國科企只有Criteo呢間網上廣告平台。
法案仍要等國會通過。一旦成功通過，稅款會追溯到今年1月1日為開始計算日。
- 法國政府預期今年可以收到5億歐元科企稅。
當然，唔少分析擔心科企稅會影響到法國吸引科企落戶嘅能力，亦有人擔心法國科企會因為呢個法例而限制成長速度。
- 但要記得，呢個法案係回應gilets jaunes 反政府支威嘅新政策一部份，用以平息法國人對政府「只幫有錢人」嘅不滿。
不過，其實法國原先希望可以係全歐盟推相似嘅科企收入稅，但建議遇到愛爾蘭、瑞典及丹麥等嘅反對，暫未有進展，因此法國單方面行動。但歐盟內亦有聲音認為法國獨自行動，唔太理想。
