所謂嘅Prisoner Dilemma(囚徒困境),係一個故事相當強嘅推論模型。


假設有兩個合謀犯案嘅罪犯同時被警察捉到,咁警方為左令疑犯認罪結案,就分別向兩名疑犯開出以下條件:

如果兩人都不供出另一人的犯罪證據,就兩人都要分別承受兩年嘅監獄生崖;但如果兩人都供出對方嘅罪行,則每人要面對五年監禁;但如果得一個人供出對方,提供罪證嘅一位只需坐1年監,但被供出嘅一位就要坐十年監。

係呢個設定下,結果會是如何?

假設兩名罪犯都是理性嘅話,就會作出以下的分析:


假如我覺得另一位疑犯不供我出來嘅話,我面對的選擇有兩個:

一,唔報串而坐兩年監;

二,出賣另一位換來只坐一年監。

理性選擇係咩啊?當然係後者,供出另一位疑犯


若果我認為另一位疑犯決定左供我出黎,我面對嘅選擇就係:

一,唔舉證佢但自己坐十年監;

二,舉證佢然後自己只坐五年監。

咁呢兩個選擇下,我梗係會傾向選擇報串啦,坐少啲監喎


由上述嘅推論見到,其實唔洗知道另一位的篤唔篤我出黎,我嘅理性選擇都係向警方舉證另一位。

但當然,你咁諗時人地都係咁諗,所以個模型推論嘅理性結果必然係兩名疑犯同時報串,一齊坐五年監。呢個結局亦係Game Theory入面最多人認嘅Nash Equilibrium推論。

要記住,Prisoner Dilemma 嘅重點係分析咩情況下合作係「理性決定」,所以上述嘅只係基礎模型,而學術研究嘅重點其實係理解加入邊啲條件,會令參與者理性選擇「合作」,同埋合作嘅時間會有幾長等等。

The End


如果你覺得本網嘅文章有價值,強烈建議大家係 Google News follow 我地。
Econ記者亦正研發Substack Newsletter,不定期向各位發送我地嘅經濟學術及經濟時事討論文章。
Previous article按揭抵押證券(MBS)同金融海嘯有咩關連呢?
Next article咩野係New Keynesian宏觀經濟模型?
Econ記者網站新聞團隊(絕大部份時間其實得一個人主理)

留言區

This site uses Akismet to reduce spam. Learn how your comment data is processed.