買阿信屋前,停一停諗一諗

我唔會多評論港股的,但對於759阿信屋我有講下的興趣。 我會建議每個想買759的人,入貨前先看一下股榮呢個分析: 第二, 貨源極疏。睇中央結算系統持股紀錄,未見大股東林偉駿65%持股,即市場中介者的約35%持股量,就是街貨量。上周五數據,頭兩位參與者匯豐及渣打共持有16%,上月1日兩間行亦是16%,其餘三間合共有約8%,只是位置交換。排名第六後以後,持股少於1%兼屬細行,有理由相信,目前還可以係街買到貨的數目,只有(100%-65%-16%-8%)11%。以759總股本6.66億股,11%街貨即約7300萬股,亦相當於最近每日成交股份數目。講白啲,每日在市場買買賣賣的759,就是這七千多萬股,唔mark高搶貨,邊買到貨呢? 至於所謂日圓跌利好、化妝品、日本城概念,只不過是諗唔到諗個藉口而已。