用戶資料外洩（Data Breach）已經不是什麼新聞，黑客一得閒就會「做野」，但今次就好不幸地發生在即將成功將核心業務賣盤的Yahoo身上，臨門一腳唔通就咁衰左？！
近日根據Recode報導，Yahoo受黑客襲擊，稱幾百萬用戶資料經已外洩。呢頭講完，Yahoo亦證實真有其事，更表示實際情況遠比報導嚴重，當中涉及5億個用戶資料（編按：無錯！你無睇錯，係5億個！可能你同我個Yahoo account都包括其中）。外洩資料包括用戶名稱、電話號碼、地址、生日日期等，但用戶的信用卡、銀行資料及加密的密碼則未有外洩。
下面是Yahoo對用戶資料外洩事件的回應
事源早在前幾個月，就有一個黑客“Peace”在網上稱，從2012年至今，已在網上黑市出售約2億個Yahoo用戶的機密資料，包括名字、密碼、生日日期等個人資料，賣出總額達1800美元（編按：呢批用戶係值咁多，可能因為係Yahoo用戶，如果換轉係G字頭或者M字頭公司用戶應該更加值錢。）
不利消息接連傳出，本來已經「坐定粒六」的Yahoo，準備將核心業務以48億美元賣俾Verizon的如意算盤似乎打唔響。Verizon最近已經密密同Yahoo代表開會，Yahoo賣盤亦進入最後大直路，接連發生事件就令Yahoo股東感到擔憂，料其賣價將會有所調整。Verizon亦表示對今次資料外洩事件很關注，但似乎都係得個知字，實際上應該咩都唔清楚。
下面是Verizon對Yahoo今次證實用戶資料外洩事件的回應。
